الحنين لأيام زمان ولكل الحاجات القديمة بتخلينا ندور على الأماكن اللي ترجعنا لفترات نتمنى نعيشها، ولما نيجي نتكلم عن الأكل، فالأكل الشرقي ليه ناسه ومش أي مطعم يقدر يقدمه بنكهة زمان.

"مصر الناس" تقدملك تجربة جديدة في مطعم ملوكية، اسمه مأخوذ من الملوخية، باعتبارها الراعي الرسمي للأكل المصري والشرقي.

لن تستمتع في "ملوكية" بالأكل الشرقي فقط، إنما يجذبك ايضًا الديكورات والألوان والصور، هناك تعيش حالة شرقية مختلفة، بداية بالباب المصنوع من خشب الأرابيسك، ناظرًا الى الفوانيس والرسومات على الحيطان، حتى الشغل الموجود على الترابيزات.

استمتاع بالأكل الشرقي والديكور العربي الأصيل فى مطعم ملوكية

عن نظام الأكل فى "ملوكية"، الفطار بيكون أوبن بوفيه، تكلفة الفرد 60 جنيه، وهو عبارة عن "فول وبيض ولانشون وسوسيس ومشكل جبن ومشكل بطاطس ومقبلات وزبادي وعصير أو مشروبات ساخنة".

ولو أنت أكيل مش هتقدر تقاوم وجبة بط السلطانة ودي بحوالي 75 جنيه وبتكفي فرد واحد، والحمام المحشي بـ75 جنيه، ووجبة كوارع ملوكية بـ85 جنيه. بالإضافة الى وجبة المشاوي المشكله، والمأكولات البحرية اللذيذة بأسعار مناسبة وده كله مع طبق الملوخية اللي بيقدمه المطعم مجانًا والشيف بيعمله قدامك.

"منيو" واجبات الطيور فى مطعم ملوكية

كمان المطعم يقدملك منيو مشروبات مختلفة تختار منها اللي يناسبك، وطبعًا ده بجانب ركن الحلويات الشرقية.

ولكى يكتمل الجو الشرقي، يومي الخميس والجمعة بتكون أيام مميزة في ملوكية، هتلاقي "عواد" في المكان، يعزف موسيقى الطرب الأصيل، بينما الناس العاشقة للتصوير ممكن تتصور معاه بالعود والطرابيش والطواقي الشرقية، وهذا بالمجان طول أيام الأسبوع، بالأضافة لأغاني طول اليوم لفيروز وأم كلثوم. 

ركن التصوير بمطعم ملوكية

في مكان مخصص للتدخين، لحماية صحتك وصحة أطفالك، وبالأضافة لوجود شاشات عرض لمتابعة المباريات، ومكان مخصص للأطفال مليان ألعاب مختلفة لكل الأعمار.

"ركن الأطفال" فى مطعم ملوكية

بعد شارع زنقة الستات، وامام شارع النصر بالتحديد، بجوار فندق آمون بمنطقة المنشية في الإسكندرية، الملوكية بأجوائها الشرقية في انتظارك من الساعة 8 الصبح ل الساعة 12.